我學催眠，最初只係基於感興趣。冇諗太多，就報咗一個普通催眠治療師課程。
嗰陣學得快，實習嘅時候反應又好——但好快就發現有啲唔同。每次我帶人入催眠，好多人都話感覺「好深」、甚至「有啲驚」。
完咗課，我決定報埋導師班，想深入了解多啲。就係喺導師班，導師過了數個課堂後，睇住我。
佢同我講：「你用嘅催眠，有黑暗的危險喺入面。你可以帶人去到佢哋內心最黑嘅位——如果佢哋冇準備好，會出事。」然後佢話：「其實，我諗過唔收你入呢班。你嘅風格太高危。」
到畢業嗰日，佢問我一句：「你嘅暗黑催眠……去咗邊？」
「點解，會好似完全消失？你變咗另一個人。」
我冇答。但我知暗黑的技術冇消失，我只係
但我好清楚，我冇變過。我只係，學識咗隱藏。
我以為沉默可以令暗黑退場。
但原來，暗黑唔係靠你忽視就會散。佢唔係霧，唔係影；佢更似一個一直等你「承認」嘅存在。
嗰一刻我明白：暗黑冇消失。
我只係選擇咗——擁有佢。
黑暗嘅力量允許佢住進我身心入面。唔係侵佔，而係共存。就好似我終於開咗一道門，唔再假裝屋入面冇嗰個房間。
但問題亦即刻浮上嚟。
我問自己：
「而家除咗黑暗嘅能力，我仲有其他嗎？」
呢個問題冇即刻答案。
我連續想咗好幾個晚上——每一晚都好似喺一條又長又靜嘅走廊行嚟行去，行到盡頭仍然係自己。
最後我做咗一個決定：
我唔可以只靠暗黑去行落去。
就算暗黑強大，就算佢救到我一啲時刻，但如果我嘅世界只剩一種力量，我遲早會被同一種力量反噬。
於是，由嗰一刻開始，我決定除咗暗黑之外——
我要去學習、去接觸更多「以外」嘅技術同技巧。
我要搵到其他可能性，其他方法，其他可以拯救人（同拯救我自己）嘅路。
就係咁，我開始咗一段「尋找」：
尋找除黑暗以外嘅所有——包括技術、能力、方法、視角。
當我開始出嚟接個案……
頭幾年接到嘅個案，超過八成同抑鬱症有關。聽住一個又一個痛苦故事、重複嘅創傷、長期被否定嘅人生
我聽到好多痛苦嘅故事，痛到令我有時會突然停一停，喺心入面問：
「點解要去到咁後先有人聽？」
「點解要去到咁深先有人救？」
我開始思考數個問題——而呢個問題，慢慢改變咗我之後嘅路：
如果我喺佢哋未跌落到抑鬱症嗰一刻，就已經接觸到佢哋，事情會唔會唔同？
如果早啲介入，早啲幫佢哋見到內心嗰啲「黑」，但同時又畀到佢哋一條光嘅路，會唔會有機會唔使走到最盡頭？
我不停問自己：
「我可以做啲咩預防？」
唔係等佢哋崩潰咗先修補，而係喺裂縫變成深淵之前，先有人伸手。
嗰段時間，我先真正感受到：
有啲人唔係突然抑鬱，佢哋係慢慢沉落去——
沉到連自己都唔知已經沉緊。
等到出現「病名」嗰一刻，其實好多嘢早已經發生咗好耐。
而我唔想再只係「事後」嘅人。我想成為「之前」嗰個人。
於是，我踏入咗第一條更大嘅獨行治療之路
就係咁，我人生第一個更大嘅獨行治療之路開始咗——預防性嘅、獨行嘅、唔靠機構、唔靠標籤嘅路。
我開始主動接觸一啲「仲未病到好嚴重」嘅人：長期情緒低落但仲有工作、表面正常但夜晚瞓唔著嘅人、覺得人生冇意思但仲未有自殺念頭嘅人……
我用我手上所有嘅工具——包括嗰份「暗黑」嘅能力——去幫佢哋直視內心最黑嘅位，但同時用其他學到嘅光同溫柔，去拉住佢哋唔使沉落去。
有人話我係「暗黑催眠治療師」，有人話我係「玩火嘅人」，亦有人話我係「救人於未然嘅怪人」。
我只係一盞燈，未必係光明。
有時甚至係一種更溫柔、更早期嘅提醒：
「你已經好攰喇。」
「你唔使等到冧咗先求救。」
「你可以早啲被接住。」
